ቅድስት ሥላሴ ዩኒቨርሲቲ

ቅድስት ሥላሴ ዩኒቨርሲቲ ቀደም ሲል የኢትዮጵያ ኦርቶዶክስ ተዋሕዶ ቤተ ክርስቲያን በዋናነት የካህናት ማሰልጠኛ ሆኖ ከዘመናዊ ትምህርት ቤት እስከ መንፈሳዊ ኮሌጅና ኋላም ከፍተኛ የኦርቶዶክሳዊ ነገረ መለኮት(Theology ትምህርት ማስተማሪያ፣ የጥናትና ምርምር ማዕከል ሆኖ ላለፉት 30 ዓመታት አገልግሏል፡፡ በእነዚህም ዘመናት ለሀገርና ለቤተ ክርስቲያን ብዙ ሊቃውንትን አፍርቷል፡፡ እነርሱም ብዙዎች በመንፈሳዊ ዘርፍ ከዲቁና እስከ ጵጵስና፣ በማኀበራዊው ዘርፍ ከመምህር እስከ ፕሮፌሰር ማዕርግ በመድረስ ከኮሌጁ ባገኙት ዕውቀትና ጥበብ በተለያዩ የሥራ መስኮች ሀገራቸውንና ቤተ ክርስቲያናቸውን በከፍተኛ የኃላፊነት ደረጃ ሲያገለግሉ ኖረዋል። አሁንም በማገልገል ላይ ይገኛሉ፡፡ ስለሆነም ዩኒቨርሲቲው ጥንታዊውን የኢትዮጵያ ኦርቶዶክስ ተዋሕዶ ቤተ ክርስቲያን የነገረ መለኮት ትምህርት መሠረት ሳይለቅ ዓለም ዓቀፋዊነት ያለው የነገረ መለኮት ትምህርት በመስጠት ቀዳሚና አንጋፋ በማስተማር ከፍተኛ ልምድ ያለው የከፍተኛ ትምህርት ተቋም ነው።

በቅዱስ ሲኖዶስ መልካም ፈቃድ በጥቅምት 2012 ዓ.ም ብፁዕ አቡነ ፊልጶስ በቅድስት ሥላሴ ዩኒቨርሲቲ የበላይ ኃላፊ ሊቀ ጳጳስ ሆነው ከተመደቡበት ጊዜ አንስቶ በዩኒቨርሲቲው ዘርፈ ብዙ የለውጥ ሥራዎች እየተከናወኑ ይገኛሉ፡፡ ይኸውም አንድ ዋና ዲን ብቻ አመራር የነበረው ዩኒቨርሲቲ ከሐምሌ 2012 ዓም ጀምሮ የከፍተኛ ትምህርት ተቋም አደረጃጃት እንዲኖረው በማድረግ አንድ የበላይ ኃላፊ ሊቀ ጳጳስ ፕሬዘዳንት፣ ሦስት ምክትል ፕሬዘዳንቶች፣ ሦስት ፋካሊቲዎች እና አሥር ዲፓርትመንቶች ኖረው በየዘርፉ እንዲመራ እና ጥንታዊ መሠረት የሆነው የአብነት ትምህርት ከቲኦሎጂ ትምህርት ጋር በማዋሐድ የነገረ መለኮት ምሥጢር መነገሪያ፣ የቤተክርስቲያን ታሪክ መቅሰሚያና የምሁራን መፍለቂያ የከፍተኛ ትምህርት ጥናትና ምርምር ማዕከል በማድረግ ሂደት ተጠቃሽ የሆኑ ሥራዎች እየተከናወኑ ይገኛሉ፡፡

የቀድሞ ቅድስት ሥላሴ መንፈሳዊ ኮሌጅ በ1935 ዓ.ም. ለመጀመርያ ጊዜ ካህናትንና የቤተክርስቲያን ሊቃውንትን ዘመናዊውንና የአብነት ትምህርታቸውን አስተባብረው እንዲይዙ በግርማ ቀዳማዊ ኃይለ ሥላሴ ድጋፍ እንደተጀመረ የታሪክ ድርሳናት ያስረዳሉ፡፡ ኮሌጁ በዚህ ደረጃ ለመጀመርያ ጊዜ የመጀመርያ ደረጃ ትምህርት ቤት ሆኖ ያገለገለ ሲሆን፥ በመቀጠልም በከፍተኛ ሁለተኛ ደረጃ ትምህርት ቤት ማዕረግ በማስተማር ወደ ቀዳማዊ ኃይለ ሥላሴ ዩኒቨርሲቲ የሚገቡ ዕጩዎችን ሲያበቃ ቆይቷል።

የኮሌጅን ደረጃ በ1960 ዓ.ም ካገኘ በኋላ ከሦስት ዓመት በኋላ የቀዳማዊ ኃይለ ሥላሴ ዩኒቨርሲቲ የቲኦሎጂ ፋኩልቲ አካል ሆኖ እስከ 1966 ዓ.ም. ድረስ ዘልቋል።የመንግሥትን ለውጥን ተከትሎ ፋኩልቲው ሲዘጋ በወቅቱ በትምህርት ገበታ ላይ የነበሩት በሚፈልጉት የትምህርት መስክ ወደ አዲስ አበባ ዩኒቨርሲቲ ተዛውረው ትምህርታቸውን እንዲያጠናቅቁ መደረጉ ይታወሳል። መንፈሳዊ ኮሌጁ ተወርሶ አራት ኪሎ ከጎኑ የሚገኘው የሳይንስ ፋኩልቲ ለራሱ የትምህርት መርሐ ግብር እንዲጠቀምበት ተደረገ።

ከ1987 ዓ.ም ጀምሮ በብፁዕ ወቅዱስ አቡነ ጳውሎስ ፓትርያርክ አማካኝነት ኮሌጁ ለኢትዮጵያ ኦርቶዶክስ ተዋሕዶ ቤተ ክርስቲያን ተመልሶ በነበረው ዕውቅናና ደረጃ የመማር ማስተማሩን ሒደት ሲያከናውን ቆይቷል፡፡መንፈሳዊ ኮሌጁ እስከ አሁን ድረስ በብዙ ሺዎች የሚቆጠሩ ተማሪዎችን አሰልጥኖ ያስመረቀ ሲሆን ከዚሁ በበለጠ መልኩ እንዲጠናከርና የቤተክርስቲያኒቱ የጥናትና የምርምር ተቅዋም እንዲሆን መሉ ዝግጁቱን አጠናቅቆ በመጨረሱ በአሁኑ ሰዓት በቲዮሎጂ (ስነ መለኮት) የትምህርት ዘርፍ በማስተርስ ዲግሪ፤ በመደበኛ የመጀመሪያ ዲግሪ፤ በማታው ተከታታይ እና በርቀት ትምህርት መርሃ ግብር የመጀመሪያ ዲግሪ፤ ዲፕሎማ፤ በግእዝቋንቋ (extension) ዲግሪና ዲፕሎማ ተማሪዎችን ተቀብሎ በማስተማር ላይ ይገኛል።

ቅድስት ሥላሴ መንፈሳዊ ኮሌጅ ከብዙ ድካምና ጥረትና በኮሌጁ ሊቀ ጳጳስ በብፅዕ አቡነ ፊልጶስ ያለሰለሰ ጥረት በቅዱስ ሲኖዶስ መልካም ፈቃድ ወደ ከፍተኛ ዩኒቨርሲቲ እንዲያድግ ተደርጓል። በዚሁም መሠረት ቅድስት ሥላሴ ዩኒቨርሲቲ ተብሎ እንዲጠራ ተወስኖአል፡፡

vision- ዓላማና ተልእኮ

ቅድስት ሥላሴ ዩኒቨርሲቲ በሀገር ውስጥና በመላው ዓለም ለሚገኙ የኢትዮጵያ ኦርቶዶክስ ተዋሕዶ ቤተ ክርስቲያን እና የአኃት አብያተ ክርስቲያናት ካህናትና ምእመናን ኦርቶዶክሳዊ የነገረ መለኮት ትምህርትና የግእዝን ቋንቋ የቅድስት ቤተ ክርስቲያን የዶግማዊ፣ የቀኖናዊ እና የትውፊትዊ ይዘት ሳይለቅ፣ ጥራቱን በጠበቀ መልኩ በከፊልና በሙሉ ቴክኖሎጂ የታገዘ ትምህርት ለሁሉም ተደራሽ ማድረግ!

ሊቃውንተ ቤተ ክርስቲያን ተሟልተው አብያተ ክርስቲያናት በማይገኙባቸውና ስብከተ ወንጌል ባልተስፋፋባቸው አህጉረ ስብከት መምህራን እንዲበዙና ከአጥቢያ ቤተ ክርስቲያናት እስከ መንበረ ፓትርያርክ በሚገኙ ካህናት እና ምእመናን ዘንድ አንድ ወጥ የትምህርተ ሃይማኖት አስተምህሮና ሥርዓተ አምልኮ እንዲኖረን ማስቻል፣

ዓላማ

ሊቃውንተ ቤተ ክርስቲያን ተሟልተው አብያተ ከርስቲያናት በማይገኙባቸውና ስብከተ ወንጌል ባልተስፋፋባቸው አህጉረ ስብከት መምህራን እንዲበዙና ከአጥቢያ ቤተ ከርስቲያናት እስከ መንበረ ፓትርያርክ በሚገኙ ካህናት እና ምእመናን ዘንድ አንድ ወጥ የትምህርተ ሃይማኖት አስተምህሮና ሥርዓተ አምልኮ እንዲኖረን ማስቻል፣

vision- ዓላማና ተልእኮ

የቅድስት ሥላሴ ዩኒቨርሲቲ በ2025 ዓ.ም በኦርቶዶክሳዊ ነገረ መለኮት ዕውቀት የላቁ፣ በመንፈሳዊ ሕይወትና በሥነ-ምግባር ለሌሎች አርዓያ የሚሆኑ፤ በሀገራቸውና በመላው ዓለም የሚገኙ ሕዝቦችን ወደ አሚነ ሥላሴ የሚመልሱና ለእግዚአብሔር መንግሥት የሚያዘጋጁ፣ ቤተ ክርስቲያን በየዘመኑ ለሚገጥማት ተግዳሮት ብቁ ምላሽ መስጠት የሚችሉና አሐቲነቷን፣ ቅድስትነቷን፣ ሐዋርያዊትነቷን እና ኩላዊትነቷን ጠብቀው ለቀጣዩ ትውልድ የሚያሻግሩ ብዙ ምሁራን ተፈጥረው ማየት ቅድስት ቤተ ክርስቲያን ያላትን መንፈሳዊ፣ አእምሮአዊና ሥጋዊ ዕውቀቶች በስፋትና መንግሥታዊ፣ ፍትሐዊና ሥነ ምጣኔ በጥልቀት ሀብታዊ፡ ምኅዳራዊ የሚጠኑበት፡ ማኀበራዊ፣ ዘርፎች ለሀገራችን መሠረታዊ ሥነ ቴክኖሎጂያዊ አስተዋጽኦ የሚያደርግ፣ ደረጃውን የጠበቀና ዓለም ዓቀፋዊ ተደራሽነት ያለው ለአኃት አብያተ ክርስቲያናት ተጠቃሽ የሆነ የጥናትና ምርምር ማዕከል ሆኖ ማየት።

የርቀትና የኢለርኒግ ትምህርት ዘርፍ

የርቀትና የኦንላይን ትምህርት ዘርፍ በተለያዩ የመተግበሪያ ስልቶች አማካኝነት መምህራንና ተማሪዎችን በመደበኛ መማሪያ በከፍሎች ሳይገናኙ ቴክኖሎጂዎችን በመጠቀም የመማር ማስተማር ሂደቶች እንዲከናወኑ ያስችላል፡፡ እነዚህም የመማሪያ ቴክኖሎጂዎች የጽሑፍ - ሕትመት፣ የቴሌቪዥንና የሬድዮ ሥርጭት፣ የኢንተርኔት ድርና የሶፍትዌር አፕሊኬሽን ግንኙነትን መሠረት ያደረጉ ናቸው፡፡

የኤሌክትሮኒክስ ቴክኖሎጂ እድገትን ተከትሎ የርቀት ትምህርት በከፍተኛ ትምህርት ተቋማት ውስጥ ቀጣይነት ባለው ከፍተኛ ፍጥነት እያደገና መደበኛውን የመማር ማስተማር ዘዴ እየለወጠ መምጣቱን በዘርፉ ያጠኑ ሊቃውንት እያመላከቱ እና ዓለም አቀፍ ተቀባይነቱም ከጊዜ ወደ ጊዜ እያደገና በሁሉም ዩኒቨርሲቲዎች የማስተማሪያ ስልት ሆኖ እየተገለገሉበት ይገኛሉ፡፡

በዚህም ዩኒቨርሲቲዎች የመማሪያ ክፍሎችን ሳይገነቡና ተጨማሪ የመምህራን ቅጥር : ሳያከናውኑ፣ ተማሪዎች አሁን ያላቸውን ሥራ፣ ማኅበራዊ ግንኙነትንና የአኗኗር ዘይቤ ሳይቀይሩ በምቹ ጊዜያቸው በራስ አቅምና ችሎታ ላይ መሠረት ያደረገ ትምህርት በዶክትሬት ዲግሪ፤ በማስተርስ እና በመጀመሪያ ዲግሪ ትምህርት በዘርፉ ዕውቅና ካላቸው ከፍተኛ የትምህርት ተቋሟት ማግኘት አስችሏል፡፡

በአሁኑ ጊዜ አንድ ዩኒቨርሲቲ በኦንላይን ትምህርት ዘርፍ በአንድ ማዕከል ብቻ በብዙ መቶሽህ የሚቆጠሩ ዓለም ዓቀፍ ተማሪዎችን እያስተማረና በየዓመቱም እያስመረቀ ይገኛል፡፡

የርቀትና የኢለርኒግ ትምህርት ዘርፍ

የቅድስት ሥላሴ ዩኒቨርሲቲ በርቀትና በኦንላይን ትምህርት የሙሉ ጊዜ ሙያዊ ሠራተኞች፣ ሀገርን በመከላከል ላይ ተስማርተው የሚገኙ ወታደሮች፡ በስደት ምክንያት በአንድ ቦታ ነዋሪ መሆን ያልቻሉ ሰዎች፣ የንግዱ ማኅበረሰብ፣ የማኅበራዊ፣ የኢኮኖሚያዊና የፖለቲካዊ ልሂቃን የሆኑ፣ በጋዜጠኝነትና በሕዝብ አንቂነት የሚያገለግሉ ግለሰቦች፣ በከፍተኛ የትምህርት ተቋማት በማስተማር በጥናትና ምርምር ላይ ያሉ ምሁራን፣ ዘወትር በቤተ ክርስቲያን ተልእኮ ላይ የሚገኙ ካህናት፣ ዲያቆናት፣ ሰባክያነ ወንጌልና ምእመናን አሁን ያላቸውን ሥራና ማኅበራዊ ግንኙነት እንዲሁም የአኗኗር ዘይቤ ሳይቀይሩ ካላቸው ዕውቀትና ጥበብ በተጨማሪ ከፍተኛ የኦርቶዶክሳዊ ነገረ መለኮት ትምህርት ማግኘት ያስችላል፡፡

በነገረ መለኮት ትምህርት ዘርፍ (Theology, BTh) (በዲግሪ) በርቀት ትምህርት ለሚሰጡ የትምህርት ክፍያ ዝርዝር

የነገረ መለኮት ትምህርት በዲግሪ 5 ዓመታት ከ60የትምህርት ዓይነቶች እና አንድ መመረቂያ ጥናታዊ ጽሑፍ ይወስዳል፡፡ ✓ በዓመት ሦስት ተርም ሲሆን አንድ ተርም አራት ወራት ነው
ከአጥቢያ ቤተ ክርስቲያን የአባልነት ማስረጃ
እውቅና ካላቸው ትምህርት ተቋማት በማናቸውም ትምህርት መስክ ዲግሪ፣ ዲፕሎማ የ12ኛ ክፍል መልቀቂያ ከ2 ነጥብ በላይ፣ 10+4 +COC ፈተና የወሰደና ከዚያ በላይ ያለው

የቅድስት ሥላሴ መንፈሳዊ ኮሌጅ ታሪካዊ ፖዞ

ከትምህርት ቤት እስከ ዩኒቨርስቲበሀገራችን የትምህርት ታሪክ ውስጥ የኢትዮጵያ ኦርቶዶክስ ተዋሕ ቤተ ክርስቲያን፣ የመሥራችነት እና የባለቤትነት ድርሻ የምትይዝ መኾኗ የሚታወቅ ነው፡፡ የጠለቀና የመጠቀ ዕውቀት ይነገርባቸው የነበሩ የአብነት ትምህርት ቤቶቻችን፣ ለዘመናት የትምህርት ማዕከልነትን ሚና፣ የሃይማኖታዊ እና ባህላዊ መልካም ሥነ ምግባር ከመፍጠር ጭምር አስተባብረው በመያዝ አኹን ድረስ የማይፋቅ ግዙፍ አሻራ በማሳረፍ በዘመን ተሻጋሪነታቸው ቀጥለው ይገኛሉ፡፡ የአገራችን የትምህርት አደረጃጀት ታሪክ እንደሚነግረን፣ ዘመናዊው ትምህርት መተግበር ከጀመረበት ጊዜ ጀምሮ፣ ነባሩን የአብነት ትምህርት ዘይቤ መነሻ በማድረግ የተሻለ ጥምረት መፍጠር ይጠበꬃ የነበረ ቢኾንም፣ እንዳለመታዷል ኾኖ ዛሬ ያለን ሥርዓተ ትምህርት ቋንቋው ጭምር የተውሶ ነው። የቅድስት ሥላሴ መንፈሳዊ ኮሌጅ፣ በ1935 ዓ.ም. በትምህርት ቤት ደረጃ ሲመሠረት ይዞ የተነሣው ዋናው ዓላማ፣ ከላይ ከተጠቀሱት ጥንታዊ የአብነት ት/ቤቶች ተምረው ያለፉትን ሊቃውንት ከዘመናዊው ዓለምና ኹኔታው ጋር የሚያስተዋውቅ ብሎም ለጥምረት የሚያግዝ፣ በዚኽም በኹለቱም ወገን የበቁ ሊቃውንትንለማፍራት ነው::

በዚኽ ረገድ ቤተ ክርስቲያንና መንግሥት በነበራቸው መልካም ግንኙነት ምክንያት፣ የዐፄ ኃይለ ሥላሴ ጥረት እጅግ የሚመሰገን ሲኾን፣ ትምህርት ቤቱም ወደ ዛሬው የአዲስ አበባ ዩኒቨርስቲ(የቀድሞው ቀዳማዊ ኃይለ ሥላሴ ዩኒቨርስቲ) የሚገቡ ዕጩዎችን ሲያበቃ ቆይቷል፤ ነገር ግን በዩኒቨርስቲም ደረጃ ቀዷም ሲል የተጠቀሱት የቋንቋ እና የሥርዓተ ትምህርት ችግሮች ስላሉ ዘመናዊው ትምህርት ከአብነቱ ሊጠቀም የሚችለውን ወሳኝ ጥቅም ሳያገኝ ቀርቷል፡ እንዲኽ ባለ ኹኔታ ቀጥሎ፣ ጥቅምት 5 ቀን 1960 ዓ.ም. በልዩ ሥነ ሥርዓት፣ ትምህርት ቤቱ ቅድስት ሥላሴ መንፈሳዊ ኮሌጅ ተብሎየኮሌጅነት ማዕርግ አገኘ፡፡ ይህም የመጀመሪያው የአገሪቱ መንፈሳዊ ኮሌጅ መኾኑን ይመሰክራል፡፡ የአዲስ አበባ ዩኒቨርስቲ በ1961 ዓ.ም. ሲመሠረትም፣ ኮሌጃችን በአንድ አካልነት ታቅፎ ቀጠለ። ይኹን እንጂ ባለፈው ወታደራዊ ሥርዓት ለ17 ዓመታት የተዘጋበት ኹኔታ፣ እስከ አኹን ድረስ በኮሌጁ ዕድገት ላይ በጥቁርጠባሳነት የሚወሳ ጉዳይ ኾኖ አልፏል፡፡

በኹለተኛው ምዕራፍ የኮሌጃችን ታሪክ፣ በ1986 ዓ.ም. በተደረገው ከፍተኛ ጥረት እንደገና ተከፍቶ እስከዚኽ ጊዜ ድረስ፣ የቤተ ክርስቲያን አገልጋዮችን በዘመናዊ የትምህርት አቀራረብ በማብቃት የድርሻውንፕሮግራም በተጨማሪ የማታ ተከታታይ የትምህርት ፕሮግራም፤ የርቀት ትምህርት ፕሮግራም በሠርተፊኬትና ዲፕሎማ፣ የግእዝ ቋንቋ ትምህርት በዲፕሎማ ደረጃ፤ የኹለተኛ ዲግሪ ፕሮግራም(ድኅረ ምረቃ) በስልታዊ ትምህርተ መለኰት(Systematic Theology) እና በተግባራዊ ትምህርተ መለኰት(Practical Theology) በማስተማር ላይ ይገኛል፡፡

በእነዚኽ በየዓመቱ በሚመዘገቡ ዕድ7ትና የመስፋት ጅምሮች መሠረትነት፣ ኮሌጃችን ወዷ ሙሉ ዩኒቨርስቲ ደረጃ የሚሸጋገርበትን ኹኔታ ለመፍጠርም መሠረታዊ ሥራ እየተሠራ ይገኛል፡፡ በኮሌጃችን ቅጽር የሚገኘው የግዙፍ ሕንፃ ግንባታ፣ ለዚኽ ዋና ማሳያ ሲኾን፤ በተያያዥነትም የሥርዓተ ትምህርት አዘገጃጀትና የዩኒቨርስቲ ኮሌጆች አወቃቀር ጥናትም አየተከናወነ ይገኛል፡፡ ስለዚኽ በልዑል እግዚአብሔር ፈቃድ ከመጪው ዓመት ጀምሮ እነዚኽን ጥናቶች በማጠናቀቅ፣ በግንባታ ላይ የሚገኘው ግዙፍ ሕንፃ መጠናቀቅንም ተከትሎ ይህን ሕልም እውን ለማድረግ ከፍተኛ ትግል እያደረግን መኾናችን ሊታወቅ ይገባል። ይህም ሲኾን ከትምህርት ቤትነት ደረጃ የመጀመረው ኮሌጃችን ደረጃውን ጠብቆ በመጣ የዘመናት ዕድ7ት፣ ከዩኒቨርስቲ ደረጃ ደርሶ የማየታችን ፖዳይ ይሳካል ማለት ነው። ይህ ደረጃ፣ ቅድስት ቤተ ክርስቲያናችን ጠንካራና የተሟላ የጥናትና ምርምር ማዕከል እንዲኖራት የሚያስችል ነው፡፡ የትምህርተ መለኰት እና የቤተ ክርስቲያን አገልግሎት ትምህርቶችን ከመስጠት በተጨማሪ ቤተ ክርስቲያንን የሚያግዙ ሌሎች የዕውቀት ዘርፎች የሚጠናከሩበትና የሚበለጽፖበት ጠንካራ የዕውቀት ማዕከልም እንደሚኾን እናምናለን።

በመጨረሻም፣ የኢትዮጵያ ኦርቶዶክስ ተዋሕዶ ቤተ ክርስቲያን፣ የረጅምና 7ናና አኩሪ ታሪክ ባለቤት እንደ መኾኗ መጠን አባቶቻችን ያስረከቡንን የቤተ ክርስቲያን ታሪክ ማወቅና ማጽናት፤ ከሊቅ እስከ ደቂቅ፣ ከካህን እስከ ምእመን የሚጠበቅ ፖዳይ ነው። በትንቢተ ኤርሚያስ ምዕ.6 ቁ.16፤ ላይ “የቀደመችውን መንገድ ጠይቁ፤ በእርሷም ላይ ሒዱ፤ ለነፍሳችኹም ዕረፍት ታገኛላችኹ” እንደተባለው፣ አባቶቻችን ሐዋርያት የተሰደዱባት፤ ቅዱሳን ሰማዕታት ዋጋ የከፈሉላት፤ አበው የሰበኩላት፤ ነገሥታትና መሳፍንት አን7ታቸውን የተቀሉላት፤ የኦርቶዶክስ ተዋሕዶ ሃይማኖታችን አንዲት ናት።

ስለኾነም ሕይወታቸውን ከፍለው⁄7ብረው/ በኩራት እንድንኖርና የቤተ ክርስቲያናችንን ትውፊት፣ ዶግማ፣ ሥርዓት፣ ቀኖና እንድንጠብቅ ላደረፖን ቅዱሳን አባቶች፣ ክብር ምስጋና ይግባቸው፤ የእምነታቸውን ፍሬ እየተመለከትን በእምነታችንም እስከ ሞት ድረስ እንመስል

𝓗𝓣𝓤

ቅድስት ሥላሴ ዩኒቨርሲቲ

vision- ዓላማና ተልእኮ

ዓላማ

vision- ዓላማና ተልእኮ

የርቀትና የኢለርኒግ ትምህርት ዘርፍ

የርቀትና የኢለርኒግ ትምህርት ዘርፍ

በነገረ መለኮት ትምህርት ዘርፍ (Theology, BTh) (በዲግሪ) በርቀት ትምህርት ለሚሰጡ የትምህርት ክፍያ ዝርዝር

የቅድስት ሥላሴ መንፈሳዊ ኮሌጅ ታሪካዊ ፖዞ